حكينا مع مراسلنا كرم منصور من دمشق، وخبرنا عن وضع المحروقات، وأن محافظة دمشق بدأت بتوزيع المازوت، والناس بلشت تركّب صوبيات ببيوتها وفي مناشدات لتوزيع عادل للمازوت بسبب الواسطات المنتشرة، إذ يحق لكل عائلة 150 لتر بالإضافة لتوزيع 40 لتر شهرياً ولكن هالشي ماعم يتم تطبيقه دائماً، بسبب الواسطات والمحسوبيات ببعض الأحياء، جرة الغاز متوفرة وسعرها حوالي 1900 والبنزين متوفر، أما الحطب متوفر بسعر بين 50 – 75 ألف للطن الواحد، أما الدولار لساته مرتفع ووصل لـ 345 مبيع 347 شراء، والذهب عيار 21 بـ 10800 ، وأسعار حصيرة الكهربا بتتراوح بين 2700 - 5000 ليرة سورية.
وعن أسعار اللحم بمحافظة دمشق: لحم الغنم الهبرة 3200 ليرة، والفروج 450 ليرة سورية.
ومن دمشق رحنا على حماة مع مراسلنامحمد الحموي، ويلي خبرنا بأنه أوضاع الطرقات على حالها، ومعظمها معرض للقصف، والناس لا تستطع شراء المواد الغذائية بسبب ارتفاع سعر معظم المواد الغذائية.
أما عن سعر صرف الدولار: 346 شراء 348 مبيع، والخبز في حماة المدينة يباع بالرغيف، وبيوصل سعر الرغيف لـ 10 ليرات والخبز ذو جودة منخفضة.
تفاصيل أكتر بتسمعوها بـ"تحويلة" اليوم.