من باب الحب، بفوت الدب.. هاد متل حديث ممكن نضيفو لكوم الأمثال المكدسة براسنا، لك أي أساساً نحن شاطرين بالأمثال.. وما تركنا شي للإبداع، اختصرنا القصة بكم كلمة.. كم كلمة وبس..
منرجع للدب يلي عم يسرح حباً بسمانا وحباً بأرضنا وخيراتها.. السلاح الروسي عم يفرقع ببلادنا من 2011 بس هالمرة السلاح مع سائق، هيك الله كرم النظام والقيادة الحكيمة بأصدقاء أعز من الأخوات، ويمكن الأخ مع أخوه ما يكون حنون وحريص لهالدرجة، أي شو بدنا بهالحكي، أي نحن شعب مشنص.. وحظو بأيدو.
وجاري تلميع الغزو الروسي بقلب البلد بخبرات شبيحة البلد والعنوان العريض.. "الحرب المقدسة".