كانت أجواء عيد الأضحى هذه السنة، بسيطة في مدينة عفرين بريف حلب، بحسب ما اخبرنا مراسلنا محمد بلو، والسبب أنه أغلب العائلات سافرت إلى تركيا أو هاجرت إلى أوروبا، وأغلب الناس استغنت عن الأضحية بسبب التكلفة الكبيرة، إذ وصل سعر كيلو اللحمة إلى 2200 ليرة، أما سعر الأضحية بيتراوح بين 20 – 40 ألف سورية، والكهربا عم تكون مقطوعة لساعات طويلة بالقرى، وبيوصل عدد ساعات توصيل الكهرباء من 3 – 4 ساعات.
وخبرنا محمد بأنه اليوم هو أول أيام الموسم الدراسي، و رح تستقبل المدارس حوالي 40 ألف طالبة وطالب، والمنهاج الجديد من الصف الأول للسادس رح يدرّس للمكوّن الكردي باللغة الكردية، واعتباراً من الصف الثالث بيتم تدريس اللغة العربية، أما المكون العربي فالمنهاج رح يكون على حاله بدون تغييرات، وسط اعتراض بين بعض الأهالي على موضوع التغيير بالمناهج الدراسية.
أما عن سعر صرف الدولار بعفرين: مبيع 328-330شراء، الليرة التركية 107.5 مبيع 108.5 شراء، أما المحروقات نزل سعر الينزين لـ550 ليرة وجرة الغاز بـ5000 ليرة سورية، بالنسبة لأسعار المواد والسلع الغذائية: البندورة ارتفع سعرها إلى 225 البطاطا 115 الباذنجان 90 الكوسا 85 والخيار100 ليرة سورية، سكر 210 رز 350 برغل 135 زيت الزيتون 750 للتر الواحد.
تفاصيل أكتر بتسمعوها بتحويلة اليوم.