من تحت سقف الوطن عم اكتبلك، شو الفرق بين سقف الوطن وقصف الوطن، مافي فرق، الذل عم يجمع المسقوفين والمقصوفين، وهيك الوطن بدو، هي الوطنية بأسمى معانيها عم تتجلى تحت سقف الوطن.
تحت سقف الوطن، لا تخاف من المطر، بس خاف من الهوا، لأن الكيماوي مالو سما، إلو صدورنا وصدور والدنا وامهاتنا وأجدادنا ووجدانا كمان، الكيماوي أسرع من السين بموتنا وأهدى من السكون بأروقة المجتمع الدولي، السامة أكتر من الوطن.