غربتنا جوا البلد أصعب، لما تشوف رفقاتك وقرايبينك عم يتركوا ويمشوا، وأنت معند بدك تضل بالبلد حتى لو ضليت لحالك بتصير تحس حالك غريب، لما بكون بيتك بريف محاصر بيبعد عن مكان قهرك وحزنك بس كم كيلو، ما فيك تروح لأن يلي محاصر أهلك غريب، اللي محاصر أهلك عراقي وأفغاني وشيشاني ولبناني.
لما بيقطعوا عنك الكهربا والمي وما فيك تفتح تمك ولا بكلمة، لأن الكل ساكتين وخايفين، مو بس تجرب تحكي ألف أيد بتنحط على تمك، وأولهون أيد أمك، لأن ما بدها تخسرك بشربة مي، بتكون غريب.