عم اتذكر كيف نزحنا بالشهر التاسع 2012 من زملكا، السيارة معباية والطريق طويل ومافي الدومري، والسما مليانة طيارات وقذائف ومنشورات مكتوب عليها، أيها الأخوة المواطنون..
مسافة الخروج من مكان ولادتك لمكان بقائك على قيد الحياة مسافة ما بتتقدر بالامتار، عند أول حاجز بتوقف السيارة والخوف ما مات رغم كل يلي ماتو ورانا، بيتطلع فينا العسكري ع الحاجز وبيضحك علينا كيف هيك مجعلكين ومنكوتين ومصفرين وخايفين ومتل الغنم معبايين بالسيارة.