500 ليرة سعر كيلو العنب بداريا!

500 ليرة سعر كيلو العنب بداريا!

يختلف وضع صرف العملات الأجنبية في مدينة داريا والتعامل بها عن المناطق الحدودية، بحسب ما أخبرنا مراسلنا أيهم دال.

وذكر أنو الناس بتتعامل أكتر شي بالليرة السورية وبالدولار يلي وصل سعر صرفه لحوالي 260 ليرة، والسعر منخفض بسبب انو اغلب الأهالي مقبلة على  صرف الدولار.

وبما انو داريا مشهورة بالعنب البلدي خبرنا مراسلنا أيهم انو سعر كيلو العنب بالسابق كان بين الـ50 - 65 أما هلق عم يكون الكيلو بين 400 – 500 ليرة سورية، والناس عم تخبي الخضرة للشتوية عن طريق تجفيفها أو بتعملها مخلل خاصة مخلل الخيار و"القتّة".

أما بالنسبة لوضع الطرقات فخبرنا أيهم انه أغلبها تعرض للقصف مما أدى لتضررها بشكل كبير خصوصي بمنطقة الجمعيات وفي قلة حركة بالمدينة.

ورحنا ع ريف اللاذقية لنحكي مع مراسلنا جمال الدين العبد الله يلي خبرنا انو بعض العائلات عم تنطر التبرعات من المؤسسات والهيئات الإغاثية لتقدر تحصل على فروج تطبخه بعد شهور طويلة من الحرمان، ونقللنا جمال أسعار المحروقات بريف اللاذقية إذ وصل سعر لتر المازوت لـ150 والبنزين 350 والكاز 300 أما أسطوانة الغاز فسعرها  5 آلاف ليرة سورية.

أما عن موضوع تداول العملات بريف اللاذقية حكالنا جمال انوعم يكون بالدولار ولكن تعامل الدكاكين الصغيرة هو بالليرة السورية، ووصل سعر صرف الدولار لـ 304 شراء 306 مبيع. 

تفاصيل اكتر بتسمعوها بتحويلة اليوم

 

نحن نستخدم ملفات تعريف الارتباط "الكوكيز" لنمنحك أفضل تجربة مستخدم ممكنة. موافق