حكينا مع مراسلنا محمد بلو وخبرنا انه الجو رجع معتدل والناس عم تحاول تطلع ع مناطق فيها شجر ومي لتروح شوي عن نفسها، وخبرنا مراسلنا أن عبور الحدود التركية لسى صعب جداً، والدرك التركي اتخذ اجراءات مشددة ووضع دوريات على مفارق القرى الحدودية.
بالنسبة لأسعار المواد الغذائية البطاطا 85 البندورة 100 الفاصولية 200 البامية 250، أما الفواكه الموسمية متل التين فوصل سهره لـ 125 والعنب 150، أما وضع الكهرباء فتحسن بسبب تراجع أزمة المحروقات ووصل سعر المازوت لـ 125والبنزين 350 أما جرة الغاز فسعرها 3250.
ومن ريف حلب رحنا ع حلب مع مراسلنا يمان الخطيب، وخبرنا عن تحسن وضع الانترنت بالمناطق الخاضعة لسيطرة المعارضة، بفضل الشبكات الضوئية لبعض الشركات يلي سحبت الانترنت من تركيا لحلب، من قبل كانت فاتورة الإنترنت ألف دولار بالشهر أما حاليا انخفضت لحوالي 70 دولار، وشرحلنا مراسلنا يمان انو 1 ميغا بتكفي لـ 4 بيوت وأحياناً لبناء كامل، تداول الليرة التركية بدأ بالمناطق الخاضعة لسيطرة المعارضة بعد توقيع اتفاق اللجنة المشكلة من فصائل محلية، ولكن الناس لا زالت منقسمة بخصوص هالموضوع وأغلبهن بيفضل استخدام العملة السورية.
تفاصيل أكتر بتسمعوها بتحويلة اليوم.