حكينا مع مراسلنا يمان الخطيب من حلب، وخبرنا إنه العرس الحقيقي عند الناس صار لما تجي الكهرباء خصوصي عند الأطفال، يلي بيركضوا ليشغلوا التلفزيون على برامج "الأفلام كرتون" المحرومين منها بسبب الكهرباء المقطوعة يلي بتوصل مدة إنقطاعها لشهر أحياناً، وبالمقابل بعض المنظمات الإغاثية عملت نوادي ترفيهية تحت الأرض خصيصاً لمحاولة تسلية الأطفال.
وحكالنا يمان إنه لا تغيير ع وضع الطرق في حلب وطريق الكاستيلو سالك، أما الطرق الداخلية فمتأثرة سلباً بأكوام الركام، وبسبب فتح الطريق بين مناطق "داعش" وفصائل المعارضة، مافي أزمة محروقات، وسعر لتر المازوت هو 235 ليرة سورية، أما المكرر 150 لتر، وسعر البنزين 425 ليرة العادي والمكرر 250، أما سعر جرة الغاز 3500، والخبز متوفر أيضاً بحلب، بسعر 100 ليرة للكيلو ومافي زحمة على الأفران.
ونبّه مراسلنا يمان الخطيب ع موضوع مهم عم يشتكو منه أهالي حلب وهو انتشار ظاهرة القوارض "الفئران والجرادين" بسبب الجثث المتحللة وأكوام الركام وانعدام العناية الصحية.
تفاصيل أكتر بتسمعوها بتحويلة اليوم