بدء توزيع قسائم المازوت في السويداء

بدء توزيع قسائم المازوت في السويداء

حكينا مع مراسلنا هشام الخطيب من السويداء، وخبرنا إنه طريق دمشق السويداء سالك ولكن لاينصح أهالي القرى الغربية بالسفر في فترة المساء لأن بعض هالقرى متل حران وداما وغيرها على تماس مباشر مع جبهات فيها اشتباكات، أما عن كيفية وصول الأكل والمواد الغذائية لهالمناطق فخبرنا هشام إنه في صعوبة فترة المساء بإيصال اللازم والأهالي عم يعتمدو عالفترة الصباحية ليشتروا كل شي بيلزمهم من باقي المناطق.
وحكالنا مراسلنا عن انخفاض بسيط بسعر صرف الدولار ما بين 285 – 283 وبشكل عام في استقرار على سعره هالفترة.
أما الخضار فأسعارها كمان مستقرة، ووصل سعر كيلو البندورة لـ 100 البطاطا 75 الثوم 600 الكوسا 110، والمواد الغذائية لسى أسعارها مستقرة ومرتفعة ووصل سعر كيلو السمنة لـ 1300 أما الشاي 1950 واللحمة بين 1750 – 2000. 
وختمنا مع هشام بسؤالنا عن المحروقات وخبرنا انه بدأت توزيع قسائم المازوت من يوم الثلاثاء وهي عبارة عن 8 قسائم، وبالنسبة لأزمة البنزين بالسويداء، لساتها موجودة ومستمرة الزحمة على الكازيات من 6 أشهر لحد الآن. 
 
 
تفاصيل أكتر بتسمعوها بـ"تحويلة" اليوم
 
 

نحن نستخدم ملفات تعريف الارتباط "الكوكيز" لنمنحك أفضل تجربة مستخدم ممكنة. موافق