حكينا مع مراسلنا يمان الخطيب من حلب، وخبرنا إنه سعر صرف الدولار مستقر على 293 مبيع 294 شراء، أما الليرة التركية فصرفها عم يكون 170 .مبيع 109 شراء، وفي حالة تردد بين الناس بخصوص موضوع التداول بالعملة التركية والآراء منقسمة بين مع وضد.
وبالنسبة لأسعار المواد الغذائية، فالشاحنات يلي كانت تنقل المواد ع مناطق سيطرة تنظيم "داعش"، صارت قليلة وأدى هالشي لتكدّس البضائع لذلك انخفضت الأسعار بحلب، وصار سعر كيلو البندورة أو الخيار ع سبيل المثال بين 50 – 60 ليرة، وأهل حلب متل باقي أهالي سوريا بيهتموا بموضوع المونة لذلك البيوت الحلبية بلشت تعمل مونة ورق عنب بسعر 160 ليرة للكيلو، وهو مرتفع عن السنة الماضية بالإضافة لمونة دبس البندورة والفليفلة، أما الخبز فهو متوفر على عكس الفترة الماضية ومافي زحمة عالأفران.
ومن حلب رحنا على ريفها، وحكينا مع مراسلنا محمد بلو من عفرين، وخبرنا انه عملية عبور الحدود السورية التركية صارت شبه مستحيلة، وعمليات تمشيط من قبل حرس الحدود التركي، يلي وجه نداء بالابتعاد عن الحدود مسافة 1 كيلو متر.
الخبز متوفر بعفرين اليوم، وسعر ربطة الخبز السياحي 125 ليرة سورية.
تفاصيل أكتر بتسمعوها بتحويلة اليوم