وضع السوريين عم يصير أسوأ بتركيا، هاد حكي شريحة من الناس المقيمين بمدينة استانبول، التقيناهن وسألناهن عن الصعوبات يلي بيواجها السوري اليوم، بظل التغيرات الجديدة، سواء بموضوع الإقامات أو إذن السفر وغيرها، بعض السوريين قالوا انه الحكومة التركية محقة باجراءتها الجديدة لأن أعداد السوريين صارت هائلة بتركيا ومن حقها تاخد احتياطاتها الأمنية، آخرين اشتكوا من الروتين والبطء وصعوبة التعامل مع البنوك أو الحصول على اذن السفر واضطرراهن للانتظار لفترة طويلة، وعبروا عن استيائهن ونفورن من الحياة بتركيا بسبب التضييقات الجديدة وتفكيرهن بالرحيل نحو أوروبا، ومعظم يلي سألناهن اشتكوا أيضاً من غلاء آجارات المنازل وعبروا عن رغبتهم بنقل شكواهم إلى الإعلام والمسؤولين الأتراك.
بحلقة اليوم حكينا بشكل عام عن هي المشاكل، لكن عن قريب رح نفرد حلقات خاصة أكتر لكل مشكلة، ببرنامجكن سوريا بالمهجر مع يامن المغربي.