تجتاح اللاذقية هذه الأيام، موجة حر مترافقة مع رطوبة عالية، حسبما أخبرنا مراسل روزنة جمال الدين العبد الله، مشيراً إلى أن الناس تحاول بالوسائل البسيطة أن تخفف من درجة الحرارة، وذلك لطول مدة انقطاع الكهرباء، "بلشت الناس تعمل مراوح ذاتية وتعبي شوية مي لتسبح فيهن، وبعض الأهالي عم يستفادوا من صفايح الطاقة الشمسية يلي مركبينها بتسخين المي".
أما بالنسبة لوضع الانترنت بريف اللاذقية فإشارة النت ضعيفة، وحكالنا جمال عن سعر صرف الدولار يلي ثبت نسبياً وهو بين 290 – 300 أما الليرة التركية 116 شراء 200 مبيع، وعن السلع فأغلب المواد الأساسية متوفرة.
وحكينا مع مراسلنا أيهم دال من داريا، وخبرنا عن ظروف معيشة صعبة عند الناس يلي أغلبها عم تعتمد على وجبة وحدة باليوم، وأما عن طريقة طبخ ستات البيوت فأغلب المطابخ اعتمدت عالحطب ونسيت الغاز لأنو سعر الجرة فوق الـ40 ألف وهو مو متوفر، وبالمقابل ارتفع سعر كيلو الحطب كمان بسبب قرب فصل الشتاء.
تفاصيل أكتر بتسمعوها بتحويلة اليوم.