من وين ممكن نجيب شعب يكون فاهم الثورات ومتعود عليها ؟ و من ثورة لثورة ؟
شعب انتخب القائد المفدى و بعدها راح بكل شفافية و انتخب ابنه للقائد الخالد، وكل ما بتسأل حدا بيقلك: هاد شعبك ومن وين جبلك شعب أحسن؟
مين اللي خلق قبل التاني ؟ دولة القانون اللي ربت شعب حضاري و لا الشعب الحضاري اللي عمل دولة القانون؟
في مين عمل على تربية شعوب المنطقة كلها لتبقى مركزة بالأكل و النسوان .. من وين ممكن جبلك شعب يحترم القانون وقت بيغيب؟ و بيحترم الآخر.. وهالآخر ساكت عن قصف القائد الواحد؟ من وين بدنا نجيب شعب متربي على ثقافة الديمقراطية.. بدون ديمقراطية؟
و كيفك اليوم ؟