اجى رمضان.. وحمود وجمال لحالهون عذابية بهالبيت، ومابيعرفوا يعملوا شي أبداً، بس قبل ما يأذن المغرب، بلشت تجي السكبات المنوعة من الجيران عطاولتهون الفاضية، وبعد ما افطروا وشبعوا منيح، حبو يحضروا شي مسلسل من هالمسلسلات الطالعة برمضان، ولكن كالعادة انقطعت الكهربا قبل ما يبلش المسلسل.
وفجأة بلاقي جمال الف ليرة ملفوفة بورقة ومحطوطة تحت الباب من فاعل خير، لهيك قرروا ينزلوا عقهوة عالبحر يصرفوها هنيك، وطلع معهن عصوت البحر وأغاني مصطفى يوز باشي فكرة جديدة!.
تابعوا حلقة اليوم من البرنامج الكوميدي، "ثورة ضايعة" مع حمود وجمال، لتعرفوا شو هالفكرة الجديدة اللي طلعت معاهون.