عازف البزق أسامة دادا هو ضيف حلقة "عود روزنة" لهذا الأسبوع، ومن بداية الحلقة بلشنا عزف بغنية فيروزية رايقة (على جسر اللوزية) ودردشنا شوي مع أسامة اللي حكالنا عن تجربتو مع البزق والبغلما والساز (البزق الكردي والتركي)، وعزفنا على غنية من الفلكلور الكردي.
ورجعنا كملنا الدردشة عن تجربة أسامة بتعليم الموسيقى للجميع وأوركسترا البزق اللي أسسها بسوريا، والكورال النسائي اللي عم يأسسو بتركيا حالياً، وختمنا الحلقة بالأصالة الشامية (يا مال الشام)، ولأنو أسامة ما قدرنا نختزلو بحلقة وحدة قسمنا اللقاء لحلقتين هذا الجزء الأول والجزء الثاني بتسمعوه الأسبوع المقبل بحلقة موسيقية جديدة، مع محمد العيسى من استديو روزنة.