مسلسلات رمضان هالسنة كلها عم تشبه بعضها.. المسلسلات المصرية كلها العشق الحروم والصحن المزعوم والظالم والمظلوم والممثلين ما مرق عليهن الربيع العربي ولا دعستهن رياح التغير.
أما المسلسلات السورية متوزعة بين التشبيح والتعتيم وطاغي عليها ريحة اللحمة الوطنية المشوية.. وباب الحارة مكمل معنا بالجزء السابع بنفس التلميح والتصريح عن وحدة حارات الشام العتيقة والمسلحين والارهابيين اللي عم يحاولوا ياخدوا باب الحارة.
والموضة الدارجة اليوم مسلسل أبو عرب.. الأم فيه سورية والأب مصري والولاد متوزعين بين الأردني واللبناني والتونسي وكلو عم يخدم القضية.