صعوبات في التنقل ضمن محافظة درعا

تحويلة روزنامة روزنة لليوم، كانت مع مراسلنا حسام البرم  بمحافظة درعا لنعرف أوضاع الطرقات وأحوال الناس.

حسام خبرنا إنو التنقل على الطرقات صعب للغاية، بسبب الإشتباكات وتدقيق الحواجز الأمنية والعسكرية، وإنو معبر نصيب الحدودي مع الأردن لساتو مغلق لحد اليوم، وسط شح بالمساعدات الطبية.

وضمن جولة روزنة بأسواق المحافظة كان سعر صرف الدولار حوالي 277 ليرة سورية شراء، و 279 ليرة سورية مبيع، وكانت أسعار المواد الغذائية مرتفعة باستثناء ربطة الخبز ، اللي تم تخفيض سعرها في المناطق الشمالية الغربية لـ 50 ليرة سورية، أما سعرها في باقي المناطق فوصل لـ 225 ليرة سورية.

الخضار والفواكه انخفضت أسعارها أيضاً،  لتكون على الشكل التالي: كيلو البندورة: 150 ، الثوم: 250 ، الباذنجان: 200 ، البطاطا: 70 ، التفاح: 275 ، الموز: 1000.

تفاصيل أكتر بتسمعوها بتحويلة اليوم مع مهدي الناصر.