من الصبح، شالو ما شالو، حطو ما حطو، شو هاد؟.. العلم، قالولوا زيح العلم، زاح العلم، هيك بكل بساطة، بجرة عامود حديد بقلب صالة مغلقة قدام عدسات الصحفيين، انزاح العلم اللي كرمالو في دم انسكب وارواح طلعت من اجسادها، وآلاف آلاف البيوت اتدمرت من بلدنا، كرمال هالعلم، والعينتين وبكل بساطة زاح العلم.
صحيح العلم ما عاد عم نشوفو كتير على أرض الواقع من كتر ما صار في أعلام ورايات، وفي ناس مفكرين أنو ضاعت الطاسة وأنو ما عاد في شي عم يجمعنا حتى لو كنا بخندق واحد، هدول الناس بشوفو علم حزب الله وفيلق القدس وفيلق بدر والرايات السودا معارضة داخلية، هدول بشوفو لؤي حسين وسيرغي لافروف معارضة، الجولاني والبغدادي معارضة.