وأنت وحاطط رجل فوق رجل، تذكر اللي حاطط رجلو فوق إرادة شعب بحالو، واللي حاطط فلوسو بتم كل جوعان وعم ياخد صور سيلفي مع صحن الجوع الفاضي، واللي حاطة شب براسها ومو داري فيها، اللي حاطة الطبخة عالنار، وما كانت تستوي وتوصل لساعة الصفر بلكي بيشبع هالشعب، واللي حاطة صورة المخطوف أو المعتقل بصدرها، ومخبيتها بلكي بيرجع واللي حاطة عيونها عالأخير، وبالأخير ما حدا فهمان شو عم يصير.
تذكر اللي حاطط همو على همك، ليتونس فيك، واللي حاطط كل أملو ببكرا وهالبكرا ما كان يجي، اللي حاطط عينو عليكِ وأنتي مو هون، أو هون بس هو منتوف من الجوع.