مكملين.. كيف شلون ما بعرف، بس يلي بعرفو أنو مكملين.. مع أول صوت اجتمعوا الأصوات، شي بيشبه الحلم، كان الرصاص عم يخرسنا وما خرسنا، كان الاعتقال عم يجرب يربي فينا البقية وما تربينا، بلشو يدايقونا بكل تفاصيل حياتنا وما نحنيننا، كنا أهم حدث بكل معنى الكلمة.

مع أول دبابة راحت ع درعا قلنا سقط، وبعد أول بيان لدعم المحاصرين بدرعا قلنا حميت، مع أول قذيفة قلنا قرررربت، مع أول انشقاق، قلنا هدول ولادنا وأهلنا وفيهون منقوى ومننتصر.

ندعس علينا وعلى عيلاتنا وما رفلنا جفن، الهدف بين عيونا والحق معنا، تشعبت وتشعبنا، تمزقت وتمزقنا، انكسرنا، انحصرنا، وقرى كاملة انمحت وقرى تهجرت، صرنا بقلب متاهة وسماءنا مستباحة، ومع هيك لسه الحلم ما عم يرضى يخلص.

 

 

نحن نستخدم ملفات تعريف الارتباط "الكوكيز" لنمنحك أفضل تجربة مستخدم ممكنة. موافق