كلشي اليوم صاير بدو موهبة للتعامل، مجرد استيعابك لكل هالتغييرات الطارئة بدو موهبة كبيرة، شايف الحرامي قدامك وكل يوم أنت مضطر تقلو مرحبا وكيفك اليوم ؟.. كمان هي موهبة.
سوريا صارت متل برنامج المواهب الكبير آراب جوت تالنت، اللي عايش فيها وعم ينط على حبال الكذب القصيرة، اللي لساتو عم يغني علينا كلنا ومفكّر صوتو حلو، واللي قاعد وشايفها عم تخرب، عم تحترق ومتل الأهبل عم يضحك ومبسوط، ومفكر حالو موهبة بقيادة وطن بلا شعب، مفكّر حالو موهبة بقيادة شعب بلا روح.