كيفك اليوم؟.. حاسس أنو بدك شي يشبهك؟، المذيع اللي بالراديو ما بيشبهلك، وعيونك طول الوقت عم تدوّر على وجه التشابه بيناتكن.
بدك حدا يحكيلك عن معاناتك لتوصل للإنجاز الكبير مع صينية الفطور؟.. المي اللي من القنينة لأنها ما عادت نزلت من الحنفية، الغاز اللي بتستهلكو بحرص متوارث من العيلة، مع كمشة توصيات، خوفاً من أنو تخلص الأمنيات المضغوطة.
لوقت ما توصل لصينية الفطور، الزعتر اللي بدون زيت، والخبزة اللي زعلت من بياض الجبنة.