ارجع للنوم.. ممكن يهدأ العالم

ارجع للنوم.. ممكن يهدأ العالم

رجاع نام، لأنو الكرة الأرضية لسا عم تدور حول محور الدول العظمى. رجاع نام، لأنو لسا الأسماء هربانة من معانيها و البحر صار بغيابك لجوء، حتى البرميل صار أسمو بيذكرك بالدمار. 

أما السيارة اللي كنت تحلم تشتريها صارت مفخخة والشجر صار بيعنيلك دفا مو أوكسجين وهوا نضيف، شغلات كتيرة تغيرت لذلك رجاع نام لوقت ما ترجع الكلمات تاخد هيبتها بهالبلد، وكل فترة بتقدر تفيق تشرب مي من الحنفية المعكرة تتفقد المكان حواليك وتخبرني عنك كيفك اليوم؟!.

 

 

نحن نستخدم ملفات تعريف الارتباط "الكوكيز" لنمنحك أفضل تجربة مستخدم ممكنة. موافق