إيمانك بنفسك سر نجاحك
كتير منا بيمرق بمراحل بيحس حالو أنو عاجز عن فعل أي شي، وكتير ناس بتكون متفوقة بأعمالها ودراستها وفجأة منلاقيها صارت متراجعة، وأحياناً بترجع خطوات للخلف بتخلي الواحد يحس أنو مستحيل يرجع يلحق حالو ويتقدم أكتر… ودائما هي الحالات بتثير دهشتنا، وأحيانا منقول عن الشخص انو تفوقو كان طفرة وهلأ طلع غباؤو. بس بالحقيقة حدا فكر شو ممكن يكون السبب، وليش هيك أحياناً بيصير ببعض الناس؟
اليوم بدنا نحكي قصة يمكن تخلينا نعيد النظر بحالنا قبل ما نعيد النظر باللي عميصير مع غيرنا، قصتنا اليوم رح تحكي عن شي كلنا بدون استثناء منعيشو، مننا بيحس فيه، وكتيييير بيجهلو اللي عميصير جواتن وبيوقعوا بالفخ.